رسمتك
كتبهاelashref ، في 3 يونيو 2008 الساعة: 17:24 م
رسمتك
ياأم القلب الطيب
ما فيك حاجه تتعيب
طبيب ومر على جراحى
والكلمه الحلوه بتطيب
رسمتك
شجره وضليله
كأنك واحده م العيله
لقيتك واحده من أخواتى
كريمه عفيفه وأصيله
رسمتك
رسمتك بينى وبين نفسى
شعاع دمر جدار يأسى
ومهما قسيت انا عليك
بتمحى القسوه وبتنسى
رسمتك
رسمتك وتاهت الالوان
يابحر الوفا والحنان
اجمل لسان هو لسانك
واحساسك احساس انسان
ولما أنطفت قناديلى
وجيتى ليا تناديلى
وقلتيلى
ارجع تانى من تانى
هنعانى وهتعانى
وقلتيلى وقلتيلى
ونورتى طريق ليلى
ونورتى قناديلى
رسمتك
هسمه و بريئه
رسمتك
نسمه و رقيقه
وكلمه الحق وانقالت
وكنت أنت
الصدق
وانت
الحقيقه
رسمتك
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 5th, 2008 at 5 يونيو 2008 7:01 ص
قلم وكراسة والوان ______ هذا محتوى اي رسمة
ولكن بين يديه رسمة ليست ككل الرسومات التي لابد ان تتجسد
احمد الاشرف رسمها بحبه والوانه ونظرة عينية ونبض قلبه ولونها
بصفاتها التي عشقها فكانت هي الحقيقة
كنت رائع